Bloemhof Dam Bonanza 2017 Fishing Tournament

Welcome to the 2017 Bloemhof Bonanza

Mitchell Berkley Bloemhofdam Bonanza 2017  - ‘n verassing vir die wenner!

Die 17de jaarlikse Mitchell Berkley Bloemhofdam Bonanza is vanaf 29 April tot 1 Mei 2017 by Bloemhofdam aangebied.

Die Bonanza is nou al n hengeltradisie wat talle deelnemers jaarliks getrou bywoon. Die rede hiervoor is natuurlik die aangename atmosfeer, saamkuier met vriende en lekker visvang! Die puik weersomstandighede het verder bygedra om die Bonanza aangenaam te maak.

‘n Maand voor die Bonanza was dit egter baie amper of die Bonanza is afgestel weens die stygende watervlakke. Die deelnemers het die ongemak van moeilike oewers in ‘n goeie gesindheid aanvaar.

Die Oewerhengelaar Spanne Bonanza het soos gebruiklik op die eerste dag plaasgevind. Daar was ‘n boot- en oewerhengelafdeling onderskeidelik. Die oewerhengelaars het hule swaarste sak graskarp ingeweeg en die boothengelaars ‘n sak van vier gewone karps. Ongelukkig was die graskarps maars skaars en die sakke wat ingeweeg is, maar lig.  Die boothengelaars se sakke het egter gekreun met sakke van tot amper 19kg per sak!

Die bootwenner van die Spanne kompetisie was Tonette met ‘n sak van 18,66 kg. Die oewerwenspan was Die Blikskottels met ‘n sak van 6,845 kg.

Die oewer en bote het elk ‘n eie Bonanza gehad met 5 pryse elk. Dit is opmerklik dat die babers vanjaar skoonskip in beide die oewer- en bootafdeling gemaak het. Die grootste babers het meer as 20kg geweeg!

In die dames Bonanza het Lenie Venter met die louere weggeloop. Sy het ‘n karp van 6,93kg geweeg. Die top Junior was Jonathon Woodrup met n baber van 13,185kg.

Johan Janse van Rensburg van Katho (Noord Kaap) was die algehele wenner van die Mitchell Berkley Bloemhofdam Bonanza 2017! Dit was vanjaar die vyfde Bonanza waaraan Johan deelgeneem het. Hy sê, dat daar maar min hengelgeleentheid in die Noord Kaap is en hy graag na Bloemhofdam kom om vis te vang.

Volgens Johan was die karp maar moeilik gewees aan die Noordwes kant en het hy amper nie sy grootste karp van 3,80kg geweeg nie omdat dit maar klein is vir Bloemhofdam. Hy het die karp op Saterdag gevang en geweeg.

Sondag het Johan n klein karpie van 500 gram gevang en besluit om die karp heel aan sy hoek te plaas. Die karpie het lank in die water gelê voordat die wenbaber dit opgetel het. Toe hy die baber sien het sy hart amper gaan staan en skielik baie meer versigtig gewerk, want hy het besef die 10kg vislyn is te dun vir die vis! Toe die voorslag op die katrol is kon hy meer krag uitoefen en die baber uit die vlak grasse uitboelie.

Hy het gaan weeg, maar nie gedink hy staan n kans vir die groot prys omdat sy karp so klein was. Sy baber het 20,78kg geweeg! By die prysuitdeling het hy geduldig gewag, maar sy baber het nie een prys gewen nie. Hy het gehoor hoe een vir een wenner afgekondig word, maar steeds nie hy nie. Toe die tweede plek afgekondig word, het hy benoud begin dink dat hy dalk kan wen, omdat sy naam nog nie afgekondig was nie. Net daarna is hy as algehele wenner afgekondig en die groot tjek van R100 000 en beker in ontvangs geneem. Hy së hy was stomgeslaan, en kan dit nou nog nie glo nie! Maar volgende jaar is Johan terug. Daar is mos nou n titel om te verdedig! 

Oor die sewentien jaar wat die Bloemhofdam Bonanza aangebied is, was daar baie meer oewerhengelaars wat die toernooi gewen het. Dit wys maar net, dat die Eco-Care hengeltabel die speelvleld gelyk maak sodat enige deelnemer kan wen!

Die volledige uitslae is hier beskikbaar.

 



Welkom aan al ons borge en hengelaars by die 17de jaarlikse Bloemhofdam Bonanza. Dit is weer die tyd om Bonanza te hou! Vriende en vreemdelinge van regoor Suid-Afrika is hier om vis te vang. Mag die visse groot wees en vriendskappe wat bevestig en gesmee word, blywend wees.

Alhoewel groot gedeeltes van ons land goeie reëns gekry het, is daar nog baie plekke wat nog droog is. Ons merk dit veral in die talle damme se lae watervlakke. Bloemhofdam is voller as laasjaar, maar kort nog baie water om vol te word. Die wissellende watervlakke in Bloemhofdam veroorsaak dat ons Organiseerders genoop word om te kyk waar is die beskikbare hengeloewers langs die dam. Bamboesspruit en Tillie se Pan is derhalwe nie oorweeg nie. Ons het wel toestemming gekry om Verlatenkraal as oewer te kry, te same met Sandveld en die gewone oewers by Noordwes.

Ons verwelkom ook vanjaar ons liggaamsgestremde hengelaars by die Bonanza. Ons het n spesiale oewer op Noordwes beskikbaar gemaak vir julle.

Ons besef dat die ekonomie knyp en het daarom nie die hengelkaartjies of plotte (behalwe bootinskrywings) se pryse verhoog nie.

Baie welkom weer eens aan ons hoofborg Pure Fishing wat fantastiese Mitchell en Berkley hengelgerei as pryse tydens die kompetisie borg. ‘n Spesiale dankie ook vir Twin Series wat aas vir elke Goody Bag ingepak het. En dankie ook aan Die Oewerhengelaar vir julle ondersteuning van die Spannekompetisie. Eco-Care Trust en al die hengelaars sê aan julle en al ons borge baie dankie!

Die Organiseerder: Eco-Care Trust
 



The Bloemhofdam Bonanza has grown to become much more than just a fishing competition. For many anglers and families this event represents how they spend their annual holiday and with so many reasons to be involved at this phenomenal event, why would you want to miss out?

With its roots firmly anchored in conservation through the organizational team of the Eco-Care Trust, participation at this event also ensures that we as anglers become focused on ‘fishing for the future and not just for today’.

Through our Mitchell and Berkley brands we are proud to be key sponsors to this event. With your continued support we believe we can continue to grow this event from strength to strength.

With thousands of Rands worth of prizes on offer this year, we wish each of you the best of success and tight lines!

Pure Fishing Team
 



Aan alle deelnemers, organiseerders, beamptes asook mede borge van die 2017 Bloemhof Bonanza - 'n hartlike welkom aan vanjaar se toernooi – mag almal se wildste drome bewaarheid word! 

Dit is vir ons as hengeltydskrif ‘n eer en voorreg om as borg van die Spannekompetisie op te tree, en daarmee ons entoesiasme en vertroue weereens te bevestig vir die instandhouding en uitbouing van ons geliefde hengelsport wat elke lid van die gesin kan geniet. 

Ons vertrou dat al die hengelwenke en advies wat elke maand in die tydskrif uitgestal word, deelnemers sal help om sukses te behaal.  
Terwyl dit baie lekker is om pryse te wen, onthou dat bloot jou deelname hier maak van jou reeds ‘n wenner!

Geniet dit,en kyk uit vir ons verslag en fotos in ‘n volgende uitgawe!
Beste Hengelgroete,

Werner Lubbe
Die Oewerhengelaar/The Bank Angler

Thank You to all Our Sponsors



© Bloemhof Bonanza. All Rights Reserved.
No article or picture may be reproduced\published
without the written consent of Bloemhof Bonanza.